Хүүхдийнхээ сургуулийг сонгохдоо эцэг эх бүр өөр өөрийн зорилго, хүлээлттэй байдаг. Харин тэр сонголт нь хэдэн жилийн дараа хүүхдийн бодит хөгжил, дараагийн боломжтой холбогдож эхлэх нь хамгийн үнэ цэнтэй үр дүн болов уу.
Уудам Монгол сургуулийн «Эцэг эхийн сэтгэгдэл» цувралын эхний дугаарт охиноо манай сургуульд тав дахь жилдээ сургаж буй аавын сэтгэгдлийг хүргэж байна.
«Уудам Монгол сургуулийг сонгох болсон хамгийн эхний шалтгаан нь хичээлийн хөтөлбөрт япон хэл багтдаг, япон багш япон хэл заадаг байсан. Мөн хүүхдээ цаашид Япон Улсад суралцуулах бидний зорилготой сургуулийн чиглэл, хөтөлбөр нийцсэн нь сонголт хийхэд чухал нөлөөлсөн.»
«Охин маань Уудам Монгол сургуульд тав дахь жилдээ суралцаж байна. Энэ хугацаанд сурах хүсэл эрмэлзэл нь нэмэгдэж, өөрийгөө дайчлах чадвартай, хамт олонч, нийтэч болж төлөвшсөн гэж хардаг. Одоо сургуулийн шилжин суралцах хөтөлбөртөө тэнцэж, ирэх 10 дугаар сараас Японы ахлах сургуульд үргэлжлүүлэн суралцах гэж байгаад бид баяртай байна.»
Эцэг эхчүүд та бүхнийг мөн «Эцэг эхийн сэтгэгдэл» цувралд нээлттэй оролцож, өөрийн бодит туршлага, сэтгэгдлээ бидэнтэй хуваалцахыг урьж байна. «Та яагаад Уудам Монгол сургуулийг сонгосон бэ?», «Таны хүүхдэд ямар өөрчлөлт гарсан бэ?» гэсэн хоёр асуултын хүрээнд 4–6 өгүүлбэрт багтаан сэтгэгдлээ contact@uudam-mongol.edu.mn хаягаар ирүүлнэ үү.
