Уудам Монгол сургуулийн цайны газрын хамт олон 2026–2027 оны хичээлийн жилийн бэлтгэлээ хангаж, сурагчдынхаа хоол үйлдвэрлэл, цайны газрын үйл ажиллагааг илүү мэргэжлийн, тогтвортой зохион байгуулалтаар хөгжүүлэхээр ажиллаж байна.
Бидний зорилго бол хүүхдэд зөвхөн өдрийн хоол өгөх бус, эрүүл зөв хооллох дадлыг сургуулийн өдөр тутмын амьдралын нэг хэсэг болгон төлөвшүүлэх юм.
Энэ хүрээнд 8 дугаар сарын 26, 27-ны өдрүүдэд Япон Улсын мэргэжлийн тогооч, хоол зүйч Сүзүки Юүко манай сургуулийн цайны газрын хамт олонд мэргэжлийн сургалт, дадлага зохион байгууллаа.
Сургалтаар хүнс, ногооны шим тэжээлийн онцлогт тохируулан боловсруулах арга; хүүхдийн насны онцлогт тохирсон хоол боловсруулах арга, порцын зохицуулалт; хоолны амт, өнгө, бүтэц, зохицол; түүхий эдийн зөв бэлтгэл, амталгаа, хадгалалт; гал тогооны эрүүл ахуй, аюулгүй ажиллагаа зэрэг сэдвийг хамарлаа.
