Уудам Монгол сургуулийн цайны газар хоёр жилийн өмнөөс эхлэн сурагчдын өдөр тутмын хоол хүнсний хэрэглээнд сүү, сүүн бүтээгдэхүүний хэрэглээг нэмэгдүүлэх зорилгоор Harumafuji Milk Farm-ийн, пастеризацийн аргаар боловсруулсан, нэг удаагийн 150 мл савлагаатай сүүг сурагчдын үдийн хоолонд олгож ирсэн билээ.
Энэ хичээлийн жилээс долоо хоног бүрийн Даваа, Лхагва гарагийн үдийн хоолны уух зүйлд олгохоор төлөвлөж байсан бөгөөд Harumafuji Milk Farm-ийн төлөвлөгөөт засвар дуусч, өнөөдрөөс эхлэн нийлүүлж эхэллээ.
Хүүхдийн өдөр тутмын хооллолтод сүү, сүүн бүтээгдэхүүнийг зохистой хэмжээгээр хэрэглэх нь өсөлтийн насанд шаардлагатай уураг, кальци зэрэг шим тэжээлийг нөхөхөд дэмжлэг болдог.
Сүүг пастеризацийн аргаар боловсруулна гэдэг нь хяналттай температурт халааж, хүнсний гаралтай өвчин үүсгэх эрсдэлтэй бичил биетийг бууруулан, хэрэглэхэд аюулгүй байдлыг нэмэгдүүлдэг арга юм.
Жижигхэн мэт боловч хүүхдийн өдөр тутмын зөв дадлыг бий болгох ажлуудыг нэг нэгээр нь тогтмолжуулсаар байна.
