Нэгэн үе Уудам Монголын сурагч байсан ах, эгч нар нь өнөөдөр Япон Улсын их сургуулиудад суралцаж, өөрсдийн туулсан зам, олж авсан боломжоо дараагийн үеийн дүү нартайгаа хуваалцдаг олон сайхан уламжлал манай сургуульд бий.
Үүний нэг нь сургуулийн шилжин суралцах хөтөлбөрөөр Япон Улсын ахлах сургуульд суралцаж, улмаар Японы их сургуульд элсэн суралцаж буй төгсөгчид маань 10 дугаар ангид дэвшин суралцах гэж байгаа дүү нарынхаа төлөө зохион байгуулдаг өөрсдийн нэрэмжит тэтгэлэг билээ.
Шинэ 2026–2027 оны хичээлийн жилийн «ЯПОН ДАХЬ ТӨГСӨГЧДИЙН НЭРЭМЖИТ ТЭТГЭЛЭГ» тун удахгүй зарлагдана.
Тэтгэлгийн сонгон шалгаруулалтад Уудам Монгол сургуульд хоёр жил суралцаж, энэ намар 10 дугаар ангид дэвшин гурав дахь жилдээ суралцах сурагчид оролцоно. Шалгарсан хоёр сурагчийн сургалтын төлбөр тус бүр 50 хувиар хөнгөлөгдөнө.
Энэ тэтгэлгийн үнэ цэнэ нь олгож буй сургалтын төлбөрийн хөнгөлөлт бус, өмнө нь энэ сургуулийн ширээнд сууж, өөрсдөө мөрөөдлөө тээж явсан сурагчид өнөөдөр дараагийн үеийн дүү нарынхаа мөрөөдлийг дэмжиж байгаад оршино.
Тэтгэлгийн сонгон шалгаруулалтын удирдамж, эсээний сэдэв, хугацаа болон бусад дэлгэрэнгүй мэдээллийг эцэг эхийн бүртгэлтэй мэйл рүү илгээх болно.
