Ирэх 2026–2027 оны хичээлийн шинэ жилээс «Уудам Монгол Эдүкейшн» сургуулийн Англи хэлний хөтөлбөрт Marz (Maricel Vista Enomlay) багш нэгдэн ажиллахаар боллоо.
Marz багш нь 10 гаруй жилийн багшлах туршлагатай, үүнээс сүүлийн 6 орчим жил Монгол Улсад ЕБС болон их сургуулийн түвшинд Oxford болон Cambridge хөтөлбөр, ESL, IELTS сургалтын чиглэлээр ажилласан англи хэлний багш юм.
Манай сургууль англи хэлний сургалтаа Oxford University Press-ийн Oxford Discover, Solutions хөтөлбөрүүдэд тулгуурлан хэрэгжүүлдэг бөгөөд Marz багш өмнө нь эдгээр сурах бичиг, хөтөлбөртэй ажиллаж байсан нь манай сургалтын хөтөлбөртэй шууд уялдаж байна.
2026–2027 оны хичээлийн жилд Marz багш 2–9 болон 11 дүгээр ангийн сурагчдад Oxford University Press-ийн хөтөлбөрийн дагуу англи хэлний хичээл заана. Харин 10 болон 12 дугаар ангийн англи хэлний хичээлийг С.Ананд (Энэтхэг) багш үргэлжлүүлэн хариуцна.
Ийнхүү бид одоо ажиллаж буй туршлагатай багш нарынхаа залгамж холбоог хадгалахын зэрэгцээ гадаад багшийн оролцоог нэмэгдүүлж, сурагчдын англи хэлний яриа, харилцаа, бодит хэрэглээний чадварыг шат дараатай хөгжүүлэхээр төлөвлөж байна.
Marz багшийг Монгол Улсад албан ёсоор ажиллуулахтай холбоотой зөвшөөрлийн хүсэлт, холбогдох материалыг эрх бүхий байгууллагад хүргүүлээд байна. Зөвшөөрөл, визийн үйл ажиллагаа бүрэн шийдвэрлэгдэж, багш Монгол Улсад ирэх хүртэл хичээлийн жилийн эхнээс хуваарийн дагуу онлайнаар хичээлээ эхлүүлж, дараа нь танхимын сургалтад шилжинэ.
