Хүүхэд бүрийн сонирхол өөр.
Нэг нь шатар тоглож, нүүдэл бүрээ бодох дуртай.
Нөгөө нь зураг зурж, гараараа бүтээл хийхийг хүснэ.
Зарим нь спортын талбайд өөрийгөө нээдэг бол зарим нь тайзан дээр ярьж, үзэл бодлоо илэрхийлэхдээ илүү гэрэлтдэг.
«Уудам Монгол» сургууль 2026–2027 оны хичээлийн жилд сурагчдынхаа сонирхол, авьяас чадвар, бие бялдар болон хувь хүний хөгжлийг дэмжих чиглэлээр нийт 17 төрлийн клуб, дугуйлан ажиллуулахаар төлөвлөж байна.
• Шатар, отелло
• Зураг, гар урлал, каллиграфи
• Үндэсний бөх, сүмо бөх, киокушинкай каратэ
• Сагсан бөмбөг, ширээний теннис, аэробик
• Хийл
• STEAM
• Математикийн сонгон
• Эко клуб
• Өсвөрийн сэтгэлзүйч клуб
• Илтгэх урлаг, мэтгэлцээний клуб
Эдгээр клуб, дугуйлангийн танилцуулга болон хэрэгцээний судалгааг эцэг эхчүүдэд имэйлээр илгээсэн.
Хүүхэд юунд дуртай байна? Ямар зүйл хийхдээ цаг хугацааг мартдаг вэ? Хаана өөртөө итгэлтэй, аз жаргалтай харагддаг вэ?
Тэр сонирхлыг нь олж харж, тууштай хөгжүүлэх боломжийг хамтдаа бүрдүүлье.
