НҮБ-ын Цөлжилттэй тэмцэх конвенцийн (UNCCD COP17) хүрээнд зохион байгуулагдсан «Model COP17 – 2026: Youth Simulation» олон улсын залуучуудын чуулга уулзалтад «Уудам Монгол ЭКО КЛУБ»-ын төлөөлөл шилдэг 100-д шалгарч, амжилттай оролцон батламжаа гардан авлаа.
Энэхүү чуулга уулзалт нь зөвхөн хэлэлцүүлэг хийгээд зогсохгүй, шийдвэр гаргах түвшинд санал хүсэлтээ хүргэж, залуус байгаль орчиндоо ээлтэй байж, цөлжилт болон ган гачгийн эсрэг бодит хувь нэмэр оруулахаа илэрхийлсэн «Цөлжилттэй тэмцэх амлалт»-д гарын үсгээ зурсан утга учиртай арга хэмжээ боллоо.
Оролцогчид газрын доройтол, цөлжилтийн эсрэг хамтын ажиллагааг дэмжих; экосистемийг нөхөн сэргээх, шинжлэх ухаанд суурилсан шийдлийг түгээх; байгаль орчинд ээлтэй, тогтвортой ирээдүйн төлөө залуусыг манлайлан оролцох амлалт өглөө.
Залуусын дуу хоолойг олон улсын түвшинд сонсгож, эх дэлхийгээ хамгаалах бодит боломжоор хангасан зохион байгуулагч хамт олонд талархал илэрхийлье.
