Уудам Монгол сургууль энэ хичээлийн жилд албан ёсны вебсайтаа ашиглалтад оруулсан билээ. Бид сайтынхаа мэдээлэл, үйлчилгээг үргэлжлүүлэн сайжруулж, одоо эцэг эхийн болон багшийн порталыг ашиглалтад оруулж байна.
Вебсайтаас сургуулийн түүх, боловсролын үзэл санаа, багш хамт олны танилцуулга, бага, дунд, ахлах ангийн сургалтын хөтөлбөр, “Амьдралын боловсрол” болон Япон хамтарсан хөтөлбөрүүд, “UUDAM MONGOL SCHOOL 3.0” хөгжлийн стратеги, элсэлтийн журам, шалгуур, бүртгэл, сургалтын төлбөр, мөн сургуулийн мэдээ, үйл ажиллагаа, холбоо барих мэдээлэлтэй танилцах боломжтой.
Эцэг эх, асран хамгаалагчид өөрийн эрхээр нэвтэрч, хүүхдийнхээ сурлагын тайлан, төлбөрийн мэдээлэл, сургуулийн хуанлитай нэг дороос танилцах боломжтой боллоо. Энэ нь стратеги төлөвлөгөөнд тусгасан сурагчийн цахим хувийн хэргийг бүрдүүлэх, хүүхдийн болон сургуулийн мэдээллийг эцэг эхэд хүртээмжтэй хүргэх ажлын нэг хэсэг юм.
Эцэг эх, асран хамгаалагчдын сургуульд бүртгэлтэй имэйл хаягт порталд нэвтрэх зааврыг илгээсэн. Имэйлээ шалгаж, зааврын дагуу вебсайтын “Нэвтрэх” хэсгээр орж, хүүхдийнхээ мэдээлэлтэй танилцана уу.
Ашиглах явцад тулгарсан хүндрэл, мэдээлэл болон үйлчилгээг сайжруулах саналаа сургуульд ирүүлнэ үү. Санал хүсэлтэд тулгуурлан порталыг цаашид хөгжүүлнэ.
