Монголын болон Дэлхийн багш нарын өдрийг тохиолдуулан шагнал хүртсэн, мэргэжлийн зэрэг ахисан, мөн өөрсдийн болон шавь нарынхаа амжилтаар хамт олноо манлайлсан Уудам Монгол сургуулийн багш нартаа баяр хүргэе.
Монгол Улсын Засгийн газрын «Боловсролын тэргүүний ажилтан» цол тэмдгээр бага ангийн багш С.Байгалмаа шагнагдлаа.
Ахмад багш С.Нямсүрэн Монголын багш нарын холбооны «Эрдмийн алтан од» шагнал хүртлээ.
Нийслэлийн Боловсролын газрын «Арга зүйч багш» цол тэмдгээр биеийн тамирын багш Э.Хулан, МХУЗ-ын багш Б.Жавзандулам, Г.Пүрэвсүрэн, бага ангийн багш Б.Отгондалай, У.Мөнгөндөл, Д.Энхгэрэл, биологийн багш Э.Сарантуяа нар шагнагдлаа.
Мэргэжлийн зэрэг ахисан багш нарын дунд япон хэлний багш Б.Сарангэрэл «Тэргүүлэх» зэрэгт, бага ангийн багш Б.Мөнх-Од, математикийн багш С.Алтанцэцэг, биеийн тамирын багш Н.Пүрэвдаваа, англи хэлний багш Ц.Нямдэлгэр нар «Заах аргач» зэрэгт ахилаа.
«Ур чадварын уралдаан–2026»-ын шилдгүүдээс МХУЗ-ын багш Б.Жавзандулам тэргүүн байр, химийн багш Ө.Номин дэд байр, бага ангийн багш Б.Жадамбасүрэн гутгаар байр эзэллээ.
2025–2026 оны хичээлийн жилд олимпиад, уралдаан, тэмцээнд өөрөө болон бэлтгэсэн сурагчид нь амжилт гаргасан багш нарт нэг удаагийн урамшуулал олголоо.
Б.Жавзандулам — бэлтгэсэн сурагч нь Баянзүрх дүүргийн Үндэсний бичгийн олимпиадад тусгай байр, Үндэсний бичгийн сайхан бичигтэн анги нийтийн уралдаанд дүүрэгт дэд, нийслэлд тэргүүн байр.
Н.Пүрэвдаваа — Баянзүрх дүүргийн шилдэг дасгалжуулагч багш, сагсан бөмбөгийн дунд ангийн «Улаанбаатар кап» тэмцээнд дүүргийн аварга, нийслэлийн шатанд хүрэл медаль.
Л.Оргилбаяр — япон хэлний «Ханзны наадам–2025»-д багаараа дэд байр, МУБИС-ийн эрдэм шинжилгээний хуралд дэд байр.
Э.Сарантуяа — Баянзүрх дүүргийн биологийн багш нарын олимпиадад хүрэл медаль, дүүргийн 1-р бүсийн илтгэлийн уралдаанд дэд байр.
Б.Отгондалай — дүүргийн бүсийн илтгэлийн уралдаанд гутгаар байр эзэлсэн. Баянзүрх дүүргийн төрийн бус өмчийн сургуулийн залуу багш нарын ур чадварын уралдаанд тэргүүн байр.
С.Алтанцэцэг — дүүргийн математикийн багш нарын ур чадварын уралдаанд тусгай байр, бэлтгэсэн сурагчид нь логик паззлын уралдааны дүүргийн шатанд 8–9-р ангийн ангилалд гутгаар, 10–12-р ангийн ангилалд дэд байр эзэлж, улсын шатанд оролцсон. 12а ангийн сурагч нь улсын шатанд анх удаа оролцогчдоос өндөр оноотой суралцагчаар шалгарсан.
Э.Батцацрал — япон хэлний «Ханзны наадам–2025»-д багаараа дэд байр.
Б.Одонтуяа — дүүргийн бүсийн илтгэлийн уралдаанд гутгаар байр эзэлсэн.
Б.Буяннэмэх — бэлтгэсэн сурагч нь логик паззлын уралдааны дүүргийн шатны 6–7-р ангийн ангилалд тусгай байр эзэлсэн. «Кенгуру» олон улсын математикийн уралдаанд бэлтгэсэн сурагчдаас нэг нь I зэрэг, хүрэл медаль; гурав нь II зэрэг; хоёр нь III зэрэг хүртсэн.
Г.Оюун-Эрдэнэ — дүүргийн бүсийн илтгэлийн уралдаанд гутгаар байр эзэлсэн. Мөн багшийн амжилтад нийслэлийн «ЭКО сургууль» тэмцээний оролцоо, Junior Climate Champions хөтөлбөрийн «ЭКО сургууль» уралдааны «Шилдэг нөлөөлөгч клуб» төрлийн дэд байр.
Б.Жадамбасүрэн — бэлтгэсэн сурагчийнх нь логик паззлын уралдааны 4–5-р ангийн ангиллын Баянзүрх дүүргийн медальт байр.
Б.Мөнх-Од — «Кенгуру» олимпиадын I зэрэг, мөнгөн медаль, II зэргийн батламж болон паззлын олимпиадын 1 мөнгөн медаль, 3 тусгай байр.
Хүүхэд бүрийн сурах хүсэл, авьяас чадварыг дэмжиж, амжилтынх нь ард өдөр бүр хичээн ажилладаг нийт багш нартаа баярлалаа.
Багш нарын баярын мэнд хүргэе!
