«Уудам Монгол» сургуулиас хүүхэд бүрийн авьяас чадвар, хүсэл мөрөөдлийг дэмжих зорилгоор зарласан Япон Улсын сургуульд 6 жилийн хугацаанд 100 хувийн тэтгэлгээр суралцах СУМО БӨХИЙН ТЭТГЭЛЭГТ ХӨТӨЛБӨР-ийн сонгон шалгаруулалтын дүн гарч, 121 дүгээр сургуулийн сурагч М.Батбилэг шалгарлаа.
Сонгон шалгаруулалтаар оролцогчдын бие бялдрын бэлтгэл, хөдөлгөөний эвсэл, уян хатан чанар, техник ур чадвар, мэдрэмж, хандлага болон цаашид хөгжих боломж зэрэг үзүүлэлтийг харгалзан үнэлсэн юм.
Тэтгэлэгт шалгарсан М.Батбилэг 2027 оны 4 дүгээр сараас Япон Улсын Мэйтокү Гижүкү сургуульд элсэн суралцаж, 6 жилийн хугацаанд 100 хувийн тэтгэлгээр сумо бөхөөр хичээллэх хөтөлбөрт хамрагдана.
Энэхүү тэтгэлэг нь хүүхдийн өнөөдрийн ур чадварыг үнэлэхээс гадна түүний цаашид хөгжих боломж, хүсэл мөрөөдлийг дэмжиж, боловсрол болон спортоо хослуулан хөгжүүлэх урт хугацааны боломж болдог.
Тэтгэлэгт хөтөлбөрийн сонгон шалгаруулалтад оролцсон нийт хүүхдүүд болон тэдний гэр бүлд чин сэтгэлээсээ талархал илэрхийлье. М.Батбилэгтээ баяр хүргэж, Япон Улсад суралцах шинэ замнал, сумо бөхийн ирээдүйн зорилгод нь өндөр амжилт хүсье.
