БАГА АНГИЙН ШАТРЫН ХӨТӨЛБӨР ХЭРЭГЖИЖ ЭХЭЛЛЭЭ
Уудам Монгол Сургуулийн стратеги төлөвлөгөөнд тусгагдсан “Бага ангийн сургалтын хөтөлбөрийг хөгжүүлэх, хөтөлбөрийн цагийг өргөжүүлэх” ажлын хүрээнд энэ долоо хоногоос 1–5 дугаар ангийн сурагчдад зориулсан ШАТРЫН ХӨТӨЛБӨР хэрэгжиж эхэллээ.
Бид шатрыг зөвхөн тоглож сурах хичээл бус хүүхдийн логик сэтгэлгээ, анхаарал төвлөрөл, тэвчээр, асуудлыг олон хувилбараар харж шийдвэрлэх, хийсэн сонголтынхоо үр дагаврыг тооцоолох чадварыг бага наснаас нь хөгжүүлэх сургалтын нэг хэсэг гэж үзэж байна.
Шатрын хөтөлбөрийг IQ EQ төвтэй хамтран хэрэгжүүлж, тус төвийн мэргэжлийн багш нар хичээлийг удирдан явуулах бөгөөд хэрэгжилтийг зөвхөн хичээл орсноор хэмжилгүй, сурагчдын оролцоо, сурсан мэдлэг, чадвар, ахиц хөгжлийг тогтмол хянаж, үр дүнг эцэг эхчүүдэд ТОГТМОЛ ТАЙЛАГНАЖ ажиллах юм.
Ийнхүү 2026–2027 оны хичээлийн жилд Уудам Монгол сургуулийн бага ангийн сургалтын хөтөлбөр зөвхөн үндсэн хичээлүүдээр хязгаарлагдахгүй, хүүхдийн сэтгэн бодох болон амьдрах чадварыг системтэй хөгжүүлэх нэмэлт агуулгуудаар үе шаттай өргөжиж байна.
Хүүхэд бүрийн авьяас, сонирхол, сэтгэн бодох чадварыг багаас нь нээн хөгжүүлэх зорилготой Уудам Монгол Сургуулийн стратеги төлөвлөгөөний бодит хэрэгжилтийн нэг хэсэг юм.
ХҮҮХДИЙН МӨРӨӨДӨЛ ЗӨВ ОРЧИНД БИЕЛДЭГ.
ТАНЫ ХҮҮХДИЙН МӨРӨӨДӨЛ ЮУ ВЭ?
