Бага ангийн сургалт нь БШУЯ-наас гаргасан Бага боловсролын үндсэн хөтөлбөрийг баяжуулсан агуулгын дагуу хоёр ээлжээр хичээллэж, 1-ээс 2 дугаар ангидаа эх хэлээ бүрэн эзэмшсэний дараа 3-р ангиас эхлэн япон болон англи хэлний хичээлүүд нэмэлтээр ордог. Мөн Оюун ухааны IQ төвтэй хамтарсан сэтгэн бодох чадварыг хөгжүүлэх нэмэлт хөтөлбөр хэрэгждэг.
Дунд, Ахлах ангийн сургалт нь БШУЯ-наас гаргасан Суурь боловсролын үндсэн хөтөлбөрийг 1,5 дахин баяжуулсан агуулгын дагуу зохион байгуулагдахаас гадна Япон хэлний гүнзгийрүүлсэн хөтөлбөр, сонгон, клуб, дугуйлан, давтлага гэх мэт агуулгатайгаар өглөө 7:45 цагаас 16:30 хүртэл үргэлжлэх нэг ээлжээр хичээллэдэг онцлогтой.
Хичээлийн жилийн хугацаанд 3-4 удаа Япон улсын хамтран ажилладаг сургуулиудтай сурагч солилцооны хөтөлбөрүүдийг хэрэгжүүлэхээс гадна бага дунд ангиудад бие даах чадварт сургах 3-5 хоногийн аялал, төгсөх ангийн сурагчдад мэргэжлийн чиг баримжаа олгох танилцах аялал, Япон хэлний түвшин тогтоох шалгалтанд /JLPT/ бэлтгэх, хамруулах, Япон улсын их дээд сургуулийн элсэлтийн шалгалт /EJU/, Засгийн газрын тэтгэлэг хөтөлбөрт хамрагдах шалгалтанд /Монбүшо/ бэлтгэх эрчимжүүлсэн хөтөлбөрүүдийг хэрэгжүүлэнэ.
Мөн манай сурагчид өөрийн сонголтоор Япон улсын сургуулиудтай хамтран хэрэгжүүлдэг урт богино хугацааны хөтөлбөрт хамрагдахаас гадна тус улсын их дээд сургуулийн элсэлтэнд бэлтгэх зорилгоор 12-р ангиа Японы ахлах сургууль руу шилжин суралцах Dual Degree Program /DDP/ хөтөлбөрт хамрагдах боломжтой.
© 2025 он. Uudam Mongol. Бүх эрх хуулиар хамгаалагдсан. Вэб хөгжүүлэгч Mind Agency