ЕРӨНХИЙ ТАНИЛЦУУЛГА

Уудам Монгол Сургууль нь “Цэцээ Гүн” Менежментийн дээд сургуулийн бааз суурийг түшиглэн тус сургуулийн санаачлагаар  дэмжлэгээр 2018 онд үүсгэн байгуулагдсан бөгөөд мэргэжлийн сумо бөхийн 69 дэх ёкозүна Хакүхо М.Даваажаргалыг хүндэт ерөнхийлөгч, удирдах зөвлөлийн гишүүнээр урин ажиллуулж байна.

Манай сургалтын агуулга хөтөлбөр нь Монгол Улсын Бага дунд боловсролын тухай хууль болон БШУЯ-ны сургалтын журамд заасан Бага, Дунд болон Бүрэн дунд боловсролын сургалтын хөтөлбөрийг өөрийн онцлогт тулгуурлан баяжуулсан агуулга бүхий сургалтыг явуулдаг. Үүнээс гадна тус сургууль нь Япон Улсын онцлогийг шингээсэн сургалтын орчинг бүрдүүлэн, Япон хэлийг гүнзгийрүүлэн судалж, суралцах хугацаандаа Япон Улсын сургуулиудтай хамтран хэрэгжүүлж буй урт болон богино хугацааны сурагч солилцооны хөтөлбөр, бусад хэлбэрийн боловсрол соёлын хөтөлбөрүүдэд хамрагдах, төгсөгчдөө Япон улсын хэлний бэлтгэл, их дээд сургуулиудад элсэн суралцахад өөрийн гадаад хамтын ажиллагааны хүрээнд бүрэн дэмжлэг үзүүлэн ажиллаж байна.

Мөн гадаад хамтын ажиллагааны хүрээнд өөрийн сургуулийн сурагч нартаа 10 болон 12 дугаар ангидаа Япон улсын ахлах сургуульд  шилжин суралцах боломжтой хамтарсан хөтөлбөрийг хэрэгжүүлж байна. Энэхүү хамтарсан хөтөлбөр нь 1.5-3.5 жилийн хугацаанд Японы их дээд сургуулийн элсэлтэнд бэлтгэх эрчимжүүлсэн хөтөлбөр бөгөөд манай сургуулиас гаргасан тодорхой шаардлага шалгуур хангасан бүх сурагч нар хамрагдах боломж нь нээлттэй байдаг.

Түүнээс гадна өөрсдийн сургалтын хөтөлбөрт шингээсэн хичээлээс гадуурх олон хөтөлбөрүүдийг хэрэгжүүлэн ажиллаж байгаа бөгөөд өдөр тутмын үйл ажиллагааны талаарх илүү дэлгэрэнгүй мэдээллийг манай албан ёсны Facebook Page  хуудсаар орж авах боломжтой.

ЛОГОНЫ БИЛЭГДЭЛ

2021 онд өөрийн өмчлөлийн сургалтын байртай болсон. 

Сургуулийн Удирдах зөвлөлийн гишүүн, Хүндэт ерөнхийлөгч Ёкозүна Хакүхо М.Даваажаргал