Шилжин суралцах хөтөлбөр

Манай сурагчид өөрийн сонголтоор Японы их дээд сургуульд элсэлтэнд бэлтгэх зорилгоор 10 болон 12-р ангиа хамтран ажилладагш Японы  Мэйтокү Гижүкү ахлах сургууль руу 1.5-3.5  жилийн хугацаатайгаар шилжин суралцах Dual Degree Program /DDP/ хөтөлбөрт хамрагдах боломжтой.

Тус хөтөлбөр нь Япон улсын ерөнхий боловсролын гэрчилгээтэй төгсдөг тул өөрийн хүссэн мэргэжлээр Япон улсын их дээд сургуульд элсэлтийн шалгалт өгч үргэлжлүүлэн суралцах боломжтой болдог онцлогтой.

Одоогийн 2023 оны байдаар дээрх хөтөлбөр нь 4 дэх удаагаа хэрэгжиж байгаа бөгөөд нийт 30 орчим сурагч хамрагдаж, 7 сурагч тус хөтөлбөрөө дуусган өөрийн сонгосон чиглэлээр 5 төгсөгч Япон улсад их дээд сургуульд суралцаж байна.

Тэтгэлэгт хөтөлбөр

Манай сургууль одоогийн байдлаар Япон улсын 5 ахлах сургуультай хамтран ажилладаг бөгөөд тус сургуулиудаас ирүүлсэн хүсэлтийн дагуу сумо, жүдо, сагсан бөмбөг, воллейбол зэрэг спортын онцгой авьяастай хүүхдүүдийг 100 хүртэл хувийн  тэтгэлэгтэйгээр япон улсад суралцуулж байна. Энэ хөтөлбөрт өнөөг хүртэл манай сургуулийн болон нээлттэй зарласан сонгон шалгаруулалтад тэнцсэн нийт 35 сурагч хамрагдсан бөгөөд ахлах сургуулиа амжилттай төгссөн хүүхдүүд маань их дээд сургууль болон мэргэжлийн спорт, ажил хөдөлмөр эрхлэх зэргээр Ядон улсад дараагийн замналаа үргэлжлүүлж байна.

Мөн манай сургууль суралцаж байх хугацаандаа хамтран ажилладаг Япон сургуулиудтай хэрэгжүүлдэг дадлагын болон солилцооны хамтарсан хөтөлбөрүүдийг хэрэгжүүлдэг бөгөөд сурагчид өөрсдийн сонголтоор хичээлийн жилийн  улирлын амралтуудын хугацаанд боломжтой. Энэхүү хөтөлбөрт өнөөг хүртэл нийт 60 гаран сурагч хамрагдаад байна
Богино хугацааны сурагч солилцоо  /7-14 хоног/ – Улирлын амралтын хугацаанд
Урт хугацааны дадлагын хөтөлбөр /1-2 сар/ – Зуны амралтын хугацаанд                                                                                                                               Урт хугацаан сурагч солилцоо – Нэг хичээлийн жилийн турш хамтран ажилладаг сургуульд шилжин суралцах боломжтой.